Софтверскиот гигант „Мајкрософт“ оваа недела им ги отвори вратите на сите заинтересирани програмери, и ги повикува на изработка на апликации за „Windows Marketplace for Mobile“, сопствена верзија на онлајн-продавница за мобилни уреди. Програмери од 29 земји во светот се повикуваат со свои идеи и дела да се вклучат во развојот на он-лајн продавницата за апликации Microsoft Marketplace for Mobile. Паралелно со ова „Мајкрософт“ почна и натпревар под назив Race to Market Challenge, на кој на најуспешните програмери ќе им бидат доделени богати награди.

Како што на својот блог наведе Тод Брикс, главниот шизик на Windows Marketplace for Mobile, програмерите можат да започнат со аплоуд на своите апликации, игри или виџети, кои ќе се прегледаат во рок од 10 работни дена. Доколку ги исполнат бараните услови, ќе бидат сместени на Windows Marketplace for Mobile.