Nokia претстави нов мобилен телефон со релативно скромни перформанси, но затоа е отпорен на вода и прашина. За разлика од останатите телефони од оваа категорија, овој барем добро изгледа.

Nokia 3720 може да се пофали со поддршка за EDGE, камера со резолуција од само 2 мегапиксели (со LED блиц), ФМ радио, Bluetooth 2.1 и можност за проширување на меморијата со micro SD картичка.

Карактеристиките не се толку лоши, не е ништо спектакуларно. Но, Nokia 3720 слободно може да го полнете со вода и да го валкате во прашина и ништо нема да му биде. Овој телефон чини само 125 евра. Штета што нема да се појави на домашниот пазар пред да тргнете на море.