Претседателот на Лацио, Клаудио Лотито уште еднаш потенцира дека Пандев може да си оди од клубот, доколку пристигне соодветна понуда за него. Почетокот на сезоната се ближи, а иднината на Пандев сеуште е неизвесна.

Сеуште до Лацио не пристигнала понуда која ги задоволува апетитите на Клаудио Лотито, кој не се откажува лесно од фудбалерите кои сакаат да заминат.  "Пандев, Ледесма и Де Силвестри се фудбалери на Лацио и јас никогаш не сум ги терал да останат" - изјави Лотито за Lalaziosiamonoi.it. "Тие побараа да заминат, па треба да донесат конкретна понуда со која ние би се согласиле и јас би бил повеќе од среќен да ги задоволам нив". "Нема крајни рокови, тие сакаат да заминат, но зависи и од клубот". Сеуште не е јасно дали триото ќе патува во Пекинг на Италијанскиот Супер Куп каде што Лацио се среќава со Интер на 8-ми август. "Јас сум претседател на клубот и не се мешам во одлуките на тренерот, ние ќе го поддржиме неговиот избор" - заврши Лотито.

Просечен рејтинг

   (0 гласови)

Прикажи 1 од 1 коментари