Поранешниот тренер на Лацио, Делио Роси верува дека напаѓачот на Лацио, Горан Пандев е подготвен да го напушти тимот и да побара трансфер во некој од најголемите европски тимови. Роси не се сложува со идејата, тој да биде продаден во некој од просечните италијански клубови кои ова лето се интересираат за него.

Суровата судбина си поигра со најтрофејниот женски ракометен клуб во Македонија, Ѓоче Петров, кој беше најголема гордост на нашата држава, поранешен европски шампион и два пати вицешампион на Стариот континент. Според претседателот на Ѓорче Петров Иван Бојков, бидејќи до сега не е најден спонзор, е откажано учеството во Лигата на шампионите, а по изборното собрание до крајот на месецот, клубот може сосема да престане да постои. „Моравме да го направиме тоа.

Откако оствари рекорден трансфер во историјата на фудбалот, од околу 100 милиони евра Кристијано Роналдо најверојатно ќе собори уште еден светски рекорд. Португалецот во Реал ќе биде плаќан со рекордни 13 милиони евра годишно, тврди мадридскиот спортски весник „Marca“. Со таква плата Роналдо ќе застане на чело на листата на најдобро платени фудбалери во историјата на фудбалот. Досегашниот рекорд со 12 милиони евра годишно го држеше напаѓачот на Интер Златан Ибрахимовиќ.

Англискиот фудбалер Дејвид Бекам се појави полугол на рекламните постери на улиците во Лондон, и тоа целиот намачкан со масло, со јаже околу телото, едноставно секси. Маслото кое го истакнува неговото тело дополнително ја изразува неговата нова црно бојадисана коса со фризура на педесеттите години од минатиот век. Сето тоа е дел од кампањата на долната облека на Армани. Бекам на рекламните постери е облечен во тесни Emporio Armani боксерки.

Селекцијата на САД е првиот финалист на фудбалскиот Куп на конфедерациите во Јужна Африка. Американците кои до полуфиналето стигнаа во многу среќни околности, синоќа ја победија фаворизираната Шпанија со 2:0, со головите на Алтидор во 27 и Демпси во 74 минута. Тие како и што најавија така и играа и стигнаа до изненадување против европскиот шампион.

Драгана Пецевска, левото крило на македонската ракометна репрезентација и досегашен капитен на Ѓорче Петров потпиша едногодишен договор со Будуќност од Подгорица. Пецевска е третото ново име во редовите на Будуќност. За црногорскиот шампион веќе потпишаа хрватската репрезентативка Лидија Хорват како и унгарската репрезентативка Пироска Саморански.

Кошаркарите на ЛА Лејкерс се новите шампиони во НБА лигата. Раноутрово ја постигнаа четвртата победа во финалето на НБА лигата и со 99:86 како гости славеа кај Орландо Меџик, што значеше 15-та титула за езерџиите. Тимот на Орландо не успеа да стигне до уште една победа на домашен терен и се чини дека двата пораза во продолжение од претходните дуели оставија последици за конечниот триумф од 4:1 во добиени натпревари за ЛА Лејкерс. Клучната разлика гостите за победата ја остварија во вториот период кога четвртината ја добија со 30:18.

Кристијано Роналдо, е во центарот на вниманието поради неговиот рекорден трансфер во Реал Мадрид вреден 96 милиони евра. Тој заминувањето од Манчестер го прослави во прегратките на Парис Хилтон. За време на краткиот одмор во Америка, Роналдо најде време и за кратка љубовна афера со кралицата на забавите, Парис Хилтон. Португалската ѕвезда ја бакнуваше и галеше дваесет и осум годишната блондинка во еден од најексклузивните клубови на Холивуд, MyHouse.