Кралицата на ромската песна Есма Реџепова (65) го доби спорот со Борат. По неколку години тужби и спорови, Есма на крај сепак доби оштета од 26.000 евра за тоа што Саша Барон Коен без дозвола ја искористил нејзината песна „Чаје Шукарије“ во Борат. Иако, оригиналното побарување за оштета беше на сума од 800.000 евра, сепак излезе дека Коен баш и не ја украл.

Силиконската секс-бомба и членка на олимпискиот тим во коњички спортови на В. Британија, Кети Прајс, позната како Џордан, откако се разведе од нејзиниот сопруг, пејачот Питер Андре, тргна во лов на разузданиот англиски репрезентативец Френк Лампард, соопштија медиумите на Островот.

Најубавиот холивудски пар, Анџелина Џоли и Бред Пит, со цела сила се борат да ја спасат врската. Извор близок до двојката вели дека се во криза поради намалената страст. „Најголем проблем им е тоа што имаат многу успешни кариери и шест мали деца, па поради многубројните обврски емотивно се разделија. Меѓутоа, свесни се за љубовта, која ги држи заедно и ќе дадат се од себе за да ја обноват старата страст, објаснил близок пријател.

Светскиот диџеј број еден Армин ван Бурен вечерва ќе гостува во скопската летна дискотека Колосеум. Овој холандски прогресив транс-диџеј во светот на музиката е познат и како најдобриот извозен продукт на Холандија,  а во изминативе две години го прогласуваат за најдобар во светот. Тој е продуцент, диџеј и радиоводител. Неговото радио-шоу го слушаат преку 30 милиони слушатели, а албумите "76", "Shivers" и "Imagine" се повеќепати наградувани.

По шестмесечниот хаос во нејзиниот приватен живот, пејачката од Барбадос повторно влезе во студио и почна да работи на новиот албум. „На себе ќе си направи нов музички идентитет. Засега има само неколку песни, но преовладува техно звукот“, изјави извор близок на добитничката на Греми наградите.

Вини Џонс ќе ја толкува улогата на покојниот српски злосторник Жељко Ражнатовиќ Аркан, во новиот филм на режисерот Џон Ирвин „Валкана војна“. Снимањето на овој филм за првпат е најавено пред три години, но продуцентите се чини дека дури сега успеаја да соберат пари за негова реализација, пишува британскиот весник „Сандеј експрес“.

Украинската Влада поради премногу голотија и геј секс го забрани прикажувањето на филмот „Бруно“ на режисерот Саша Барон Коен. Министерството за култура оценило дека Бруно е неприкладнен за јавноста и поради тоа одби да и даде дозвола на оваа комедија да се прикажва во Украина.

Новиот филмски хит „Bruno“, на контроверзниот британски комичар Саша Барон Коен, моментално е најуспешен филм во САД. Овој викенд летниот кино хит заработи 30,4 милиони долари, и со тоа го надмина „Borat“. Филмот за моментално најпопуларниот хомосексуалец Бруно, со првото прикажување во САД заработил повеќе милиони од претходниот филм на Саша „Borat“. Приказната за австрискиот хомосексуален моден стилист доби просечни критики од страна на познатите филмски критичари од Холивуд.