Туристи од голем број држави во светот пристигнаа во јужнокорејскиот град, Борјеонг за да учествуваат на познатиот фестивал на калта. Секоја година од 11-ти до 19-ти јули на плажата Течхон, која излегува на Жолто море се собираат илјадници туристи, кои уживаат во ова масовно валкање.

На манифестацијата може да се вклучат сите оние кои сакаат возбуда, а натпреварувањето се одвива во три категории: лизгање во кал, борби во кал и масажи со кал. Калта во овој дел од земјата се користи за козметички цели. Но како и да е, овој фестивал е највалканиот фестивал во светот.