Само 2 дена откако се родија близначките на Роџер Федерер, Шарлен Рива и Мила Роуз, британските обложувачници понудија коефициенти за евентуална победа на девојчињата на Вимблдон. Британскиот „Ледбрукс“ на една вложена фунта ќе исплати 100 ако кога било Шарлен или Мила го освојат турнирот што се игра во Лондон, во Ол-Ингланд клубот.

Првиот рекет на светот, Швајцарецот Роџер Федерер и неговата сопруга Мирка добија близначки, соопштено е на сајтот на најдобриот тенисер на светот. „Ова е најголем ден во нашите животи“, се наведува во соопштението на Федерер објавено на неговата Интернет страница.

Според анкетата која ја спроведе порталот "Трип адвајзер", Лондон од туристите e прогласен за најлош град во Европа. Причините се: најлоша храна, највалкан, а воедно и најскап.

Иако Yahoo е во финансиски проблеми, сеуште е најпосетуваниот портал на светот. Во обид да се приближи до Microsoft и Google, Yahoo ja редизајнира својата почетна страна.

Најновите откритија на научниците веројатно ќе го шокираат светот. Тие претпоставуваат дека би можеле да направат вештачки човечки мозок во наредните десет години. Научниците тврдат дека доколку успеат, тоа ќе биде од огромна помош за дијагностицирањето и лечењето на менталните пореметувања и болести.

Кинеска двојка стапи во брак покриена со слој од пчели. Ли Венхуа и Јан Хонгхија, кои работат во шумската комисија во градот Нинган, во Северна Кина, ги одгледуваат пчелите повеќе од 25 години.  Тие решиле нивниот голем ден да го направат поинтересен, и ги поканиле своите мали пријатели на венчавката. За да го привлечат ројот од пчели им помогнала пчелата кралица, која всушност служела како мамец.

Уличен свирач од Њујорк, кој се нарекува „Голиот Свирач“, миленик на њујорчани, најави дека ќе се кандидира за градоначалник на Њујорк. 38 годишниот Роберт Бурк, од Менхетн, чија досегашна кариера се сведува на свирење гитара во долна облека, ќе ја најави неговата кампања на "Тајмс Сквер", со што планира да влезе во трката за градоначалник на Њујорк на претстојните избори.

Силиконската секс-бомба и членка на олимпискиот тим во коњички спортови на В. Британија, Кети Прајс, позната како Џордан, откако се разведе од нејзиниот сопруг, пејачот Питер Андре, тргна во лов на разузданиот англиски репрезентативец Френк Лампард, соопштија медиумите на Островот.